Төтенше жағдайлар министрлігі өнеркәсіптік қауіпсіздік комитетінің Алматы облысы бойынша департаментінің басшысы болып Шаяхметов Ришат Маратұлы тағайындалды.
Ол 1980 жылы 17 сәуірде Талдықорған қаласында дүниеге келген. Екі жоғары білімі бар.
2005 жылдан бастап Алматы облысының Төтенше жағдайлар саласындағы мемлекеттік бақылау және қадағалау жүйесінде жұмыс істеген, оның ішінде 2016 жылдан бастап — Алматы облысы бойынша өнеркәсіптік қауіпсіздік комитеті департаменті басшысының орынбасары қызметін атқарды.
Жетісу облысы бойынша ТЖМ өнеркәсіптік қауіпсіздік комитеті департаментінің басшысы болып Елухан Әбілханұлы Баймолдинов тағайындалды.
Ол 1967 жылы 6 шілдеде Алматы облысында дүниеге келген. Бауман атындағы Мәскеу мемлекеттік техникалық университетін бітірген.
1999 жылдан бастап кеден органдарында, оның ішінде «Бақты» кеден бекетінің бастығы (ШҚО), көліктік бақылау инспекциясы жүйесінде, оның ішінде Инвестициялар және даму министрлігінің Алматы облысы бойынша көліктік бақылау инспекциясының орынбасары және басшысы болып жұмыс істеді.
2017 жылдан бастап Алматы облысы бойынша өнеркәсіптік қауіпсіздік комитеті департаментінде орынбасар, 2018 жылдан бастап басшысы қызметін атқарды.
