2025 жылғы 21 мамырда Жамбыл ауданында Мәдениет және өнер қызметкерлері күніне орай салтанатты іс-шара ұйымдастырылды. Іс-шара барысында ауданның мәдениет және өнер саласының дамуына елеулі үлес қосып жүрген бірқатар қызметкерлерге құрмет көрсетілді.
Мерекелік кеш аясында сала үздіктеріне алғыс хаттар мен құрмет грамоталары табысталып, олардың кәсіби шеберлігі мен адал еңбегі жоғары бағаланды.
Аталған шара – рухани құндылықтарды насихаттап, ұлттық мәдениеттің дамуына өлшеусіз үлес қосып жүрген сала қызметкерлеріне деген терең құрметтің көрінісі болып табылады.
