Ғалым Қасымұлы 1967 жылы Алматы облысының Балқаш ауданында дүниеге келген. Жоғары білімді, өз саласының кәсіби маманы ретінде түрлі деңгейдегі мемлекеттік қызметтерде ұзақ жылдар бойы еңбек етті.
Еңбек жолын «Қарой» ұжымшарында есепші болып бастаған ол, кейін «Ақдала» күріш ұжымшарында бригадирдің көмекшісі, экономист, бөлім бастығы сынды жауапты қызметтер атқарған. Басқару саласындағы тәжірибесін Балқаш ауданы Ақдала ауылында әкім бола жүріп жетілдірді.
Одан кейін Жамбыл облыстық аумақтық балық шаруашылығы басқармасының бастығы, Көксу ауданы әкімінің орынбасары, Алматы облысы әкімі аппараты бөлімінің меңгерушісі секілді жоғары лауазымдарға тағайындалған.
Ғалым Қасымұлы Көксу және Балқаш аудандарының әкімі, сондай-ақ Алматы облысы жер қатынастары басқармасының басшысы қызметтерін де атқарып, аймақтың дамуына елеулі үлес қосты. Бұған қоса, облыс әкімінің кеңесшісі және жұмылдыру дайындығы, су ресурстары мен ирригация басқармаларының басшысы ретінде де ауқымды жобаларды жүзеге асыруға атсалысты.
