Мұнда өңірдегі иррегация, балық және ауыл, орман шаруашылығы мамандары министрге алдағы жұмыс жоспарларын таныстырды.
Атап айтсақ:
1. Облыс бойынша 2025 жылға дейін орман алқаптарын ұлғайту мақсатында 50 млн ағаш егілмек. Қазіргі таңда өңірдегі мемлекеттік орман қорының жалпы ауданы 2,2 млн гектар. Ағаштарды қызыл жалыннан қорғау үшін 9 өрт сөндіру стансасы жұмыс істейді. Онда 86 адам қызмет етеді.
2. 2021-2026 жылға қарай балық шаруашылығында 12 жоба жүзеге асырылмақ. Аталған жобаларға 80,5 млрд теңге инвестиция тартылып, жылына 15,5 мың тонна балық өндіріледі. Қосымша 397 жұмыс орны ашылады.
Қазіргі уақытта облыста балық өңдейтін «Рыбпром» ЖШС, «Компания Жеңіс» ЖШС, «Әбілқайыр» ЖШС, «Сом и Д» ЖШС секілді 4 ірі зауыт жұмыс істейді.
Сондай-ақ басқосуда Қапшағай су қоймасының келелі мәселелері талқыланды. Мысалы, су деңгейін бірқалыпта ұстап тұратын құрылғы жоқ. Бастау суын шамадан тыс пайдаланып, мұның салдары Қапшағайда су азаюына әкелді. Және су қорғайтын шекара сызылмаған.