«Облыста 14 пен 29 жас аралығындағы жастар саны – 280 017. Қонаев қаласында орталықтың 4 бөлімі жұмыс істейді, «Ұйымдастыру бөлімі», «Жастар бастамаларын дамыту және NEET тобымен жұмыс бөлімі», «Аймақтар бөлімі» және «Ақпараттық сүйемелдеу және әлеуметтік желілермен жұмыс істеу бөлімі», – деді Мақсат Кенешев.
Орталық басшысының айтуынша, жыл басынан бері 60 000 азаматтың қатысуымен 2850 шара өтті.
Тарқатып айтсақ:
• 10 психолог маманнан тұратын «Бақыт клубы» 150-ге жуық шара өткізді;
• облыста NEET (кәсіби білімі жоқ) жастар саны – 17 520. Жыл соңына дейін 1000 адам жұмыспен қамтылады;
• «Бизнес бастау», стартап және Zhas Project жобалары аясында 427 кәсіпкер өз бизнесін бастады;
• 2022 жылдың 11 қаңтарынан бастап «Күшіміз бірлікте» волонтерлік акциясы аясында 404-404 жедел желісі іске қосылды. Осы уақытқа дейін жалғызбасты, көпбалалы отбасылардан 181 қоңырау түсті;
• Алматы облысында жыл басынан бері 4029 еріктілер науқаны ұйымдастырылды.
«Бұл шаралардан бөлек, өңірде бірнеше жобалар іске асырылады», – деді орталық басшысы.
Олардың тізімі мынадай:
– «Жайдарман облыс әкімінің» кубогі;
– Пікір сайыс ойындары;
– «Алатау жастары» жаңа тұрғын үй бағдарламасы;
– «Алатау жастары» еріктілер сыйлығы;
– «Жыл үздігі – 2022» аудан, қала әкімдерінің сыйлығы;
– «Көшбасшы – 2022» Алматы облысының әкімінің сыйлығы.
