Алматы облысы Жібек жолы станциясында бүтін тұрған 10 ағаш кесілген. Қарасай ауданының әкімдігі ағашты кескен ер адам табылып, қылмыстық іс қозғалғаны туралы хабарлады.
«Қарасай ауданының Жібек жолы ауылдық округі әкімінің аппараты» ММ ағаштарды заңсыз кесу мәселесі бойынша қазіргі уақытта іс қозғалғанын мәлімдейді. Қарасай ауданының полиция басқармасы азаматқа қатысты қылмыстық кодекстің 340-бабы 1-бөлігі бойынша 2023 жылғы 21 қаңтардағы №22 сотқа дейінгі тергеп-тексерудің бірыңғай тізілімінде істі тіркеді. Бұл мәселе бақылауға алынды», – делінген әкімдік хабарламасында.
«Ағаштар мен бұталарды заңсыз кесу, жою немесе зақымдау», яғни ҚК 340-бабы 1-бөлігі бойынша 160 АЕК-ке дейін (552 мың теңге) айыппұл салынады немесе 40 тәулікке дейінгі мерзімге қамауға алынады.
Сонымен қатар, Алматы облысының прокуратурасы бұл мәселе мамандандырылған табиғатты қорғау басқармасына жүктелгенін хабарлады.
