Алдын ала мәлімет бойынша, қаза болған жасөспірім 11-сыныпта оқыған.
«Кісі өлтіру фактісі бойынша Қылмыстық кодекстің тиісті бабымен сотқа дейінгі тергеу амалдары басталды. Полицейлер күдіктіні анықтап, уақытша ұстау изоляторына қамады. Сонымен қатар, жасөспірімнің заңды өкілдері балаларды тәрбиелеу жөніндегі міндеттерін тиісінше орындамағаны үшін әкімшілік жауапкершілікке тартылды», – деп хабарлады Алматы облысының полиция департаменті.
Полиция мәліметінше, бұл дерек бойынша білім басқармасына тиісті шаралар қабылдау туралы ресми ұсыныс жолданған.
«Қазіргі уақытта қылмыстың барлық мән-жайын жан-жақты анықтауға бағытталған қажетті тергеу әрекеттері жүргізілуде», – деді облыстық полиция департаментінің өкілдері.
Тергеу мүддесіне байланысты өзге ақпарат әзірге жарияланбайды.
