11 жылдық білім жолын аяқтап, үлкен өмірге қадам басқалы тұрған түлектер үшін бұл – еңбектің жемісін көрсету сәті. 2025 жылғы Ұлттық бірыңғай тестілеуге өңір бойынша 14 123 түлек қатысады деп жоспарланып отыр.
Алматы облысының білім басқармасы 2024–2025 оқу жылының табысты аяқталғанын мәлімдеді. Облыс оқушылары 17 халықаралық, 150-ге жуық республикалық олимпиада мен байқауларда жүлделі орындарға ие болған. Атап айтқанда, 25 оқушы – 1 орын, 30-ы – 2 орын, ал 75-і – 3 орын иеленген.
Жазғы кезеңде облыс бойынша 30 балалар лагері жұмыс істейді. Бұл арқылы оқушылардың 92 пайызы демалыс және сауықтыру шараларымен қамтылмақ.
Әлеуметтік осал санаттағы 2 017 бала үшін жергілікті бюджеттен 282,3 млн теңге бөлінген. Сонымен қатар, «Қазақстан халқына» қорының қолдауымен 1 400 жолдамаға 165,6 млн теңге қарастырылған.
Балалар жазғы демалысын «Тау-Жанашар», «Альтаир» және облыстық басқа да лагерьлерде өткізіп, білім мен еңбекке тың қуат жинамақ.
