Соның бірі — Қарасай ауданы Жібек жолы мекеніндегі заңсыз тұрғызылған көлік жуу орны.
«Сәулет қала құрылыс қызметінің заңды талаптарын орындамағандықтан хаттама толтырылып, қазір сот шешімін орындауға келдік. Нысанды бұздық, заң бұзған азамат өзі бұзып алып жатыр», — деді мемлекеттік сәулет құрылыс инспекциясы бөлімінің бас маманы Шаттық Мәмбетов.
Ал заң бұзған кәсіпкер алаяқтарға сеніп қалғанын айтады.
«4 миллионға сатып алдық 4 соттық жерді. Алаяқтар бұл жер коммерческий деп сатқан. Сіздер де алаяқтардан абай болыңыздар, мен сияқты алданып қалмаңыздар», — дейді кәсіпкер.
Жалпы, Алматы облысында жобалау-сметалық құжаттамасыз, авторлық және техникалық қадағалаусыз, сондай-ақ уәкілетті органның хабарлауынсыз құрылыс үшін «Әкімшілік құқық бұзушылық туралы» Қазақстан Республикасы Кодексінің 316-бабы 1, 321 және 463-бабы бойынша 440 әкімшілік материал қозғалды. Оның ішінде 149 әкімшілік материал Алматы облысының соттарына іс жүргізу шешімін қабылдау үшін жіберілді. 66 748 896 млн. теңге сомасына айыппұл салынды.
Сондай-ақ Алматы облысының соттарына өз бетінше салынған объектілерді бұзу туралы 10 материал жіберілді.
