Қазіргі уақытта соның 157-сі немесе 55,3%-ы көгілдір отынмен қамтамасыз етілген. Бұл шамамен 1,2 миллион тұрғын – яғни облыс халқының 77 пайызы газға қол жеткізді деген сөз.
Облысқа табиғи газ ірі магистральдық газ құбырлары арқылы жеткізіледі. Атап айтқанда, Алматы–Талдықорған, Алматы–Байсерке–Талғар, екі желілі Алматы–Байсерке–Талғар, Байсерке–Қапшағай, Ташкент–Бішкек–Алматы, Бұхара газ құбыры, Қазақстан–Қытай және құрылыс жұмыстары жүріп жатқан «Шелек–Кеген–Нарынқол» бағытындағы газ құбырлары жұмыс істейді. 2023 жылы «Алматы–Байсерке–Талғар» газ құбыры салынды, ал оның белгілі бір учаскесін жою жұмыстары 2025 жылға жоспарланған. Алдағы уақытта бұл желі «Интергаз Орталық Азия» АҚ-ның қарауына берілмек.
2024 жылы 17 елді мекенде құрылыс-монтаж жұмыстары толық аяқталды. Олар:
-
Жамбыл ауданы – Бірлік, Ақтерек, Ақсеңгір, Көкдала, Жайсан, Б. Қыдырбекұлы, Беріктас, Дегерес, Қазыбек бек;
-
Алатау қаласы – Жаңаарна, Еңбек ықшамаудандары;
-
Талғар ауданы – Арқабай, Көктал, Қайнар, Төңкеріс;
-
Ұйғыр ауданы – Бахар, Шарын.
Осы жобалар нәтижесінде 40 мыңнан астам тұрғынның өмір сүру сапасы жақсарды.
Сонымен қатар, 18 жоба бойынша мемлекеттік сараптаманың оң қорытындысы алынды. Аталған жобалар келесі елді мекендерді қамтиды:
-
Балқаш ауданы – Береке;
-
Еңбекшіқазақ ауданы – Талдыбұлақ, Сатай, Қаракемер, Нұрлы, Масақ, Достық, Лавар, Қорам, Қаратұрық, Дихан, Қаражота, Шелек–Кеген–Нарынқол;
-
Қарасай ауданы – Қарасай;
-
Талғар ауданы – Дәулет;
-
Қонаев қаласы – МКД, КПР, №19, №20, «Арна», «Спутник», «Рауан» ықшамаудандары.
Бұл жобалар жүзеге асқанда қосымша 100 мыңнан астам тұрғын газбен қамтамасыз етіледі.
2025 жылы тағы 12 елді мекенді газбен қамту үшін бюджеттен 3,75 млрд теңге бөлінді. Газ тартылатын елді мекендер:
-
Балқаш ауданы – Бақанас, Ақжар, Бояулы, Миялы жаңа ықшамауданы;
-
Жамбыл ауданы – Таңбалытас, Шилібастау, Арқарлы;
-
Талғар ауданы – Еламан, Кіші Байсерке, Дәулет;
-
Ұйғыр ауданы – Тасқарасу;
-
Қарасай ауданы – Сауыншы.
Бұл қаражаттың 250 млн теңгесі – республикалық, ал 3,5 млрд теңгесі – жергілікті бюджеттен бөлінді.
Сондай-ақ, 29 жобаны дамыту үшін облыстық бюджеттен 1,4 млрд теңге қарастырылды. Оның ішінде 673,8 млн теңге Қонаев қаласының кешенді даму жоспарына сәйкес 8 шараға жұмсалатын болады.
Газ тартылатын елді мекендер:
-
Балқаш ауданы – Бура, Үшжарма, Ақкөл;
-
Еңбекшіқазақ ауданы – Ақши, Қайрат, Балтабай, Бөлек, Аймен, Алға, Қойшыбек, Базаркелді, Космос, Қызылшарық;
-
Талғар ауданы – Өзтерім, Нұра, Туғанбай;
-
Іле ауданы – Құйған;
-
Ұйғыр ауданы – Кіші Дихан, Үлкен Дихан, Қолжат, Кетпен.
Қонаев қаласында «Конаев 2» АГТС, «Жаңа Іле» АГТС автоматты газ тарату стансаларынан газ құбырларын тарту және газ магистральдарын кеңейту жұмыстары жүргізілуде.
Жоспарға сәйкес, 2025 жылдың соңына дейін газдандыру деңгейін 59,8 пайызға жеткізу, яғни 170 елді мекенге газ тарту көзделген. Ал қалған 114 елді мекен «Алматы облысының 2030 жылға дейінгі өңірлік газдандыру схемасына» сәйкес, толық қаржыландырылғаннан кейін кезең-кезеңімен газбен қамтылатын болады.
