22.55-те өрт сөндірушілер үйге келгенде 100 шаршы метрлі үйдің 1 бөлмесінің шатыры түсіп, өртеніп жатқаны анықталған. Өрт 23:45-те ауыздықталған.
Осы үйден зорлық-зомбылық белгісі бар 3 адамның мәйіті табылды.
1) Анасы – Қамшыбаева Мадина. Оның денесінде оң жақтағы мойын аймағының терең ашық кесілген жарасы, беттің бірнеше кесілуі, сол жақ иек, іштің тесілген жарақаты бар.
2) Қызы – Асхатқызы Айым, 2010 жылғы. Жәпек батыр ауылының 36 орта мектебінің 8-сынып оқушысы. Іштің тесілген жарақаты, оң иықтың жарасы бар.
3) Ұлы – Жеңісұлы Мұрагер, 2015 жылы туған, 36 орта мектептің 2-сынып оқушысы. Сол жақ мойынның терең ашық жарақаты бар.
«Қазіргі таңда күдікті іздестіріліп жатыр. ҚР ҚК-ның 99-бабы 3-бөлігі бойынша іс қозғалды. Өрт зертханасының алдын ала қорытындысына сәйкес үй белгісіз затпен өртелген. Қызыл жалын жатын бөлмеден шығып, үйдің шатырына қарай беттеп кеткен. Қаза тапқан Мадина есімді азаматша бұл үйде азаматтық некедегі күйеуімен тұрып жатқан», – деп жазды НеМолчи қоры.
