«Биыл ауыл шаруашылығы жануарларына сырға салу үшін 143 миллион теңге қарастырылды. Малдарға салынатын сырғаларды өткен жылдың соңында алып қойғанбыз, барлық шаруашылықтарды қамтуға жеткілікті», — деді Асхат Базилов.
Сонымен қатар ол ауыл шаруашылығы жануарларын төлдету науқанының басталуына орай мал иелері жергілікті ветеринарлық пункттерге өтініш жазып, малды тіркеуге қою қажет екенін айтты.
«Сырға салынған мал бірден тіркеуге қойылып, иесіне 3 күн ішінде ветеринариялық паспорт беріледі. Нақтырақ айтсақ, паспорт жылқы, түйе, ірі қара малға жеке, ал ұсақ малға және шошқаға отарына тиесілі болады. Бұзау, қозы, лақ, бота, торай туғанынан жеті күн өткеннен кейін, құлындар мен тұяқты жануарлардың төлі төрт айлық кезінен бастап сырғаланады», — деді маман.
Айта кетейік, Алматы облысында ветеринария басқармасы және оған бағынышты 10 стансаның елді мекендерінде 136 пункті қызмет етеді. Облыста жыл басынан бері 1682 ветеринарлық паспорт берілді.
