«Учаске» жедел-алдын алу іс-шарасын өткізу барысында Қарасай аудандық учаскелік полиция инспекторы Құмарал ауылындағы үйлердің бірінен есірткі зертханасын анықтады. Аталған дерек аудандық полицияда ҚР ҚК 297-бабы 3-бөлігінің 1-тармағы бойынша тіркелді. 2003 және 2001 жылғы Алматы қаласының тұрғындары ұсталды», – деп жазды Бауыржан Әленов.
ПД бастығының мәліметіне сүйенсек, үй-жайды тінту кезінде сұйық кристалды заты бар шыны ыдыстар, прекурсорлар, тұз қышқылы, электрондық таразылар және т. б. табылып, тәркіленді. Сондай-ақ ерекше иісті ұнтақ заты бар бір полиэтилен пакет табылды.
Қазіргі уақытта қажетті сараптамаларды тағайындаумен тергеу шаралары жүргізілуде. Аталған жұмыстардың нәтижелері бойынша түпкілікті процестік шешім қабылданатын болады.
