USDБұл «Спорт – маңызды, спорт – қажет» іс-шарасының соңғы күні. Қонаев қаласының орталық жағажайында Алматы облысының түрлі саласында ел мүддесі үшін қызмет етіп жүрген мамандар он күн бойы таңды сергек қарсы алды.
Жобаның басты мақсаты – салауатты өмір салтын насихаттау, мемлекеттік қызметкерлерді спортпен тұрақты шұғылдануға ынталандыру. Қатысушыларға әртүрлі спорт түрінен халықаралық аренада жетістікке жеткен танымал спортшылар жаттығу үлгісін көрсетіп, 2,5 шақырымды бірге жүгіріп өтті.
Нәтижесінде Қонаев қаласы әкімдігінің командасы жеңімпаз атанды. Алматы облысының цифрлық технологиялар басқармасы екінші, денсаулық сақтау басқармасы үшінші орынды иеленді.
Үздік командаларға медаль мен диплом, ақшалай сыйақы табысталды:
І орын – 250 000 теңге,
ІІ орын – 150 000 теңге,
ІІІ орын – 100 000 теңге.
Қатысушылардың айтуынша, бұл іс-шара олар үшін ерекше тәжірибе болып, спортпен айналысуға қызығушылықтарын оятты. Ұйымдастырушыларға алғысын білдіре отырып, осындай жобалардың пайдасы зор екенін де атап өтті.
