29 наурызға қараған түні әлеуметтік желілерде мешітке жақын маңда жас жігіттің қаза тапқаны жөнінде ақпарат тараған болатын. Аталған деректі Алматы облыстық полиция департаменті растады.
Құқық қорғау органдарының хабарлауынша, қазіргі уақытта қылмысқа күдікті тұлға анықталып, оны ұстауға бағытталған жедел-іздестіру шаралары жүргізілуде.
«Оқиғаның мән-жайы жан-жақты зерттеліп жатыр. Барлық қатысушылар мен куәгерлерден жауап алынып, кісі өлтіру фактісі бойынша сотқа дейінгі тергеу амалдары басталды», – деп мәлімдеді департамент өкілдері.
Сонымен қатар, аталған істің облыстық полиция департаменті басшылығының ерекше бақылауында екені атап өтілді. Тергеу толық аяқталғаннан кейін қосымша ақпарат берілетіні хабарланды.
