Қарасай ауданы, Қаскелең қаласында орналасқан, жалпы аумағы 1000 шаршы метрден асатын өнер мектебін заңсыз иемденуді көздеген жауапкер – заңды тұлға болған.
Апелляциялық сот прокуратураның өтінішін қанағаттандырып, аудандық соттың мектепті жеке меншікке сату туралы шешімін жойды. Нәтижесінде, өнер мектебі мемлекет балансына қайтарылды.
Қазіргі уақытта ғимаратта жөндеу жұмыстары басталды. Жақын арада бұл мектепте 300-ден астам бала шығармашылық өнерлерді үйренуге мүмкіндік алады. Прокуратураның мәліметінше, бұл шара аймақтағы балаларға сапалы білім беру және олардың таланттарын дамытуға үлкен мүмкіндік ашады.
