ІІМ баспасөз қызметінің мәліметінше, Қонаев қаласының 31 жастағы тұрғыны азаматтардың сеніміне кіріп, заңсыз қаржылық пайда тапқан. Тергеу барысында оның тағы бір өрескел іске қатысы бары анықталды – ол қайтыс болған баланың еміне ақша жинау сылтауымен адамдарды алдап келген.
Сонымен қатар, тағы бір күдікті 26 жастағы ер адам өзін жүк тасымалдаушы ретінде таныстырып, тауарды жеткіземін деген уәдемен 180 мың теңгені иемденіп кеткен.
Барлық факті бойынша қылмыстық істер қозғалып, тергеу амалдары жүргізілуде. Құқық қорғау органдары күдіктілердің басқа да алаяқтық әрекеттерге қатыстылығын тексеруде.
Полиция азаматтарды сақ болуға және алаяқтық схемалар туралы хабарлап отыруға шақырады.«ANTI-FRAUD» операциясы жалғасуда.
