2023 жылы мұндай орталықтар Қарасай, Талғар, Еңбекшіқазақ аудандарында ашылса, 2024 жылы Іле ауданы мен Қонаев қаласында, сондай-ақ Жамбыл және Райымбек аудандарында да іске қосылды.
Мемлекет басшысы Қасым-Жомарт Тоқаев:
«Отбасындағы тұрмыстық зорлық-зомбылықтың алдын алу жұмыстарын тиімді етуге ерекше назар аудару қажет. Бұл әділетті мемлекет құру үшін маңызды қадам. Көптеген әлеуметтік мәселенің, соның ішінде қылмыстың түп тамыры тұрмысы төмен отбасылардан басталады. Мұндай жағдайлар балалардың психикасына кері әсерін тигізеді,» – деп атап өткен болатын.
Президенттің тапсырмасына сәйкес, «Отбасын қолдау орталықтары» қиын жағдайға тап болған отбасыларға кешенді қолдау көрсетуде. Орталық мамандары халықтың әл-ауқатын жақсартуға бағытталған «Участок» жедел алдын алу шаралары арқылы анықталған отбасыларға заң аясында толыққанды қызмет ұсынып келеді.
Бұл орталықтардың жұмысы отбасылардың өмір сапасын арттыруға және қоғамдағы әлеуметтік тұрақтылықты нығайтуға бағытталған.
