«Қазақстан темір жолы» ұлттық компаниясының мәліметінше, 7 мамыр күні сағат 20:52-де Сарыөзек – Алматы бағытындағы жүк пойызы темір жолға кенеттен шығып кеткен адамға байланысты шұғыл тежеу жүйесін іске қосқан. Алайда, оқиғаның соңы қайғылы аяқталды – адам көз жұмды.
Оқиға орнына құқық қорғау органдары келіп, қажетті тергеу жұмыстары басталды. Пойыз қозғалысы тергеу аяқталғанға дейін уақытша тоқтатылған.
Компания темір жол бойында адамдардың жүруіне қатаң тыйым салынғанын ескертті және қауіпсіздік талаптарын сақтау аса маңызды екенін тағы бір мәрте еске салды.
