Педагогтардың басқосуында өңір басшысы Марат Сұлтанғазиев «Үздік ұстаз» атанған Балауса Саримоваға автокөлік кілтін табыстады. Ол – Іле ауданындағы №40 мектептің физика пәнінің мұғалімі.
Сонымен қатар Марат Сұлтанғазиев білім беру жүйесін дамытуға, рухани, адамгершілік тәлім-тәрбие беруге үлес қосқан бірқатар ұстаздарды алғыс хатпен, құрмет грамотасымен марапаттады.
«Соңғы 3 жылда педагогтардың жалақысы 75 пайыз көтерілді, келер жылдың қаңтарында тағы 25 пайызға артады. Бесінші жыл қатарынан жаңа форматта біліктілік деңгейін растаған педагогтардың жалақысы 30-50 пайыз артып, қазіргі кезде облысымыздағы 31 193 ұстаздың 9331-і модератор, сарапшы, зерттеуші, шебер санатында. Магистр-педагогтарға 10 АЕК көлемінде қосымша ақы төленеді», – деді ол өз сөзінде.
Алматы облысы әкімінің:
Құрмет грамотасымен 22 ұстаз;
Алғыс хатымен 33 педагог марапатталды.
Оқу-ағарту министрлігінің Алғыс хатына ие болғандар:
Наурызбай Артанов – Қарасай ауданындағы Ы. Алтынсарин атындағы орта мектептің дене шынықтыру пәні мұғалімі;
Зарина Артықбаева – Іле ауданындағы №28 мектеп-гимназиясының дене шынықтыру пәні мұғалімі.
Министрліктің Құрмет грамотасын алғандар:
Гүлжихан Иманхатова – «Жетісу дарыны» облыстық дарынды балалар мен талантты жастарды анықтау және қолдау оқу-әдістемелік орталығы директорының орынбасары;
Гүлзат Ержанова – Қонаев қаласындағы Мектепке дейінгі шағын орталығымен орта мектеп-гимназиясының директоры.
Сондай-ақ аталған министрліктің «Ы. Алтынсарин» төсбелгісі 4 ұстазға, «Еңбек ардагері» медалі 3 мұғалімге табыс етілді.
Бұдан бөлек, облыста өткен кәсіби байқаулардың бірнеше номинациясы бойынша жеңімпаздары марапатталды.
Салтанатты рәсімнен соң облыс әкімі ұстаздарды құттықтап, олардың білім беру саласында сіңірген еңбегі мол екенін атап өтті.
Посмотреть эту публикацию в Instagram
