«Өмірдің қиын жағдайына тап болған, ауыр мінезді, жағымсыз қылық көрсететін балаларды «Ресурс» атты психикалық тестіден өткізу дәстүрге айналды. Аталған тестілеуден 2021-2022 оқу жылында Іле ауданы бойынша 48 мектептің 7-10 сыныпта оқитын 10 179 оқушысы, 2 колледждің 100 студенті өтті. Нәтижесінде 3451 білім алушының (33,57%) тесті «жасырын аймақты» көрсетті, 232 оқушы мен студенттер (2,26%) «қауіпті аймақта» екені анықталды», – деді Салтанат Беспаева өз сөзінде.
Басқарма басшысының айтуынша, бұл оқушылармен мектептің педагог-психологтары, «Жанұя» отбасын қолдау орталығының психологтары тұрақты түрде оңалту жұмыстарын жүргізеді. Және өткен оқу жылында облыс бойынша тестіден жалпы саны 108 964 оқушы, студенттер өткен.
Салтанат Беспаева білім басқармасының Call орталығы жұмыс істейтінін атап өтті. Жедел желі нөмірі: 8 776 979 60 64.
