Алдын ала тексеру нәтижесінде аталған оқиға 2024 жылдың қыркүйек айында болғаны анықталды. Құқық бұзушылыққа жол берген оқушы 2025 жылдың наурыз айында басқа мектепке ауыстырылған.
Қазіргі уақытта оқиғаның барлық мән-жайын жан-жақты әрі объективті қарастыру мақсатында арнайы комиссия құрылып, тексеру жұмыстары Қазақстан Республикасының қолданыстағы заңнамасына сәйкес жүргізілуде.
Оқушыларға психологиялық-педагогикалық қолдау көрсету, ата-аналармен түсіндіру жұмыстарын ұйымдастыру, сондай-ақ жүйелі сипаттағы құқықбұзушылықтардың алдын алу үшін кешенді мониторинг жүргізілуде.
Тексеру нәтижесінде оқиғаға қатысқан оқушылармен қатар, тәрбие жұмысын тиісті деңгейде ұйымдастырмаған және жоғары тұрған органдарды уақытылы хабардар етпеген жауапты лауазымды тұлғалардың да жауапкершілігі қаралатын болады.
Білім басқармасы білім беру ұйымдарында қауіпсіз әрі қолайлы орта қалыптастыруды, сондай-ақ әрбір баланың құқығын қорғауды басты қағида ретінде ұстанатынын мәлімдейді.
