Облыс басшысы ардагерлерге ізгі тілегін білдіріп, мерейтойлық медальдар мен Қонаев қаласынан жаңа, жайлы пәтерлердің кілттерін табыс етті. Сондай-ақ, Алматы облысындағы барлық соғыс ардагерлеріне 5 миллион теңге көлемінде ақшалай сертификаттар берілгенін атап өткен жөн.
Марат Сұлтанғазиев ардагерлердің ерлігі мен жанқиярлық еңбегіне шынайы алғысын білдіріп, оларға қамқорлық көрсету – мемлекет жүргізіп отырған әлеуметтік саясаттың маңызды бағыттарының бірі екенін айтты.
«Бүгінгі бейбіт өмір – Сіздердің жанқияр ерліктеріңіздің жемісі. Сіздердің жеңіске қосқан үлестеріңіз баға жетпес. Біз әрдайым Сіздерді мақтан тұтамыз. Ел есінде сіздердің ерліктеріңіз мәңгі сақталады», – деді өңір басшысы.
Ардагерлер көрсетілген ілтипат пен қолдау үшін алғыстарын жеткізіп, мұндай кездесулер жеңімпаз ұрпағына деген терең құрметтің белгісі екенін атап өтті.
Ұлы Жеңістің 80 жылдығын атап өту – тек өткенге тағзым ғана емес, сонымен қатар халықты ортақ тарих пен бірлік идеясы төңірегінде топтастыратын маңызды оқиға.
