«Алматы облысының жер қатынастары басқармасы тиісті тексеру жүргізді. Ол жер телімін кәсіпкерге беру кезінде заңнамалардың бұзылғаны анықталды. Осы бойынша тиісті құжаттар рәсімделіп, сотқа жіберілетін болады. Панфилов ауылының маңынан зауыт салынбайды», — дейді Алматы облысы әкімінің баспасөз жетекшісі Ғалымұрат Жүкел.
Талғар ауданы Панфилов ауылында бұған дейін құс фабрикасының құрылысына қатысты дау шыққан болатын. Тұрғындар түбегейлі қарсы екендерін айтып, наразылық білдірді.
«Келісім құжаты болмай тұрып, құрылыс жүргізе бастаған. «Алель агро» зауыт саламыз деген жер негізінен суармалы жер. Бірақ суармалы жердің бетін тегістеп балласт төсеп тастаған. Қазір біз 12 адамнан тұратын жұмыс тобын құрдық. Ол топта 5 депутат мүше: төртеуі аудандық, біреуі облыстық мәслихат депутаты. Барлығымыз зауыт салуға қарсымыз», — дейді Панфилов ауылының тұрғыны Ербол Серікұлы.
Зауыт салу 2017 жылы жоспарланса керек. Бұл туралы «Алель агро» АҚ өкілдері осы жылдың 26 қарашасы күні ғана ресми хабарлаған болатын. Алайда, тұрғындардың да, облыс әкімдігі тарапынан да қолдау таппады.
Посмотреть эту публикацию в Instagram
