Дерек бойынша Алматы облыстық полиция департаменті ресми мәлімдеме жасап, ауыр қылмыс жасады деген күдіктінің ұсталғанын, қылмыстық іс қозғалып, тергеу жұмыстары басталғанын хабарлады.
«Жедел-іздестіру шаралары барысында 43 жастағы күдікті анықталып, ұсталды. Қазір ол уақытша ұстау изоляторына қамалды. Қылмыстың барлық мән-жайын жан-жақты, объективті түрде тексеру үшін тергеу әрекеттері жүргізіліп жатыр», – делінген полиция хабарламасында.
Құзырлы орган өзге ақпаратты жарияламады. Дегенмен, әлеуметтік желі қолданушыларының жазбасына сенсек, марқұм мен күдікті бизнес серіктестері болған, арадағы жанжал соңы қайғылы жағдаймен аяқталған. Күдікті қылмыс ізін жасыру мақсатында мәйітті көлігімен бірге өртеп жіберген деген болжам бар.
Қазір бұл жантүршігерлік оқиға бойынша тергеу амалдары жалғасып жатыр.
