Бұл жайында Қонаев қаласын әлеуметтік-экономикалық дамытудың 2023-2027 жылдарға арналған кешенді жоспарында айтылған.
Жобадағы 4 трлн 64 млрд 631 млн теңгенің 1 трлн 401 млрд 228 млн теңгесін республикалық бюджеттен, 305 млрд 259 млн теңгесін қарызға, 213 млрд 338 млн теңгесін мемлекетік бюджеттен, 62 млрд 440 млн теңгесін ішкі қарыздан, 2 трлн 82 млрд 366 млн теңгесін басқа көздерден тарту жсопарланған.
Бұл қаражатқа мына мәселелерді шешу жоспарланған:
– ірі сауда орталықтары мен тұрмыстық қызмет көрсету объектілерін ашу;
– оқушылар орындарының тапшылығы;
– заманауи медициналық мекемелердің болмауы, дәрігер тапшылығы, медициналық ұйымдардың жарақтандыру;
– мектептер, балабақшалар, ауруханалар, емханалар, мәдени-демалыс ұйымдары мен спорт ғимараттарын салу;
– көшелерге күрделі, орташа және ағымдағы жөндеу жүргізу;
– инженерлік-коммуникациялық инфрақұрылымды жаңа тұрғын алаптары мен шағын аудандарына, Шеңгелді және Арна ауылдарындағы жаңа алаңдарға жеткізу;
– үйлердің, ғимараттардың қасбеттерін ағымдық жөндеу, көшелерді, аулаларды, скверлерді, жағажайды күтіп ұстау және абаттандыру;
– ойын-сауық және демалыс саябақтарын/скверлерді, бульварларды және т.б. салу, жөндеу жүргізу;
– газбен жылытуға көшу үшін қазандықты кеңейту (халықтың 75,2%-ы жылуға зәру);
– Заречный, Арна, Шеңгелді, Қосқұдық және Ақөзек ауылдарында электр желілерін жөндеу және жаңалау;
– су құбырларының тозуы – 80%, кәріз желілерінің тозуы – 100%, жылу желілерінің тозуы – 40%, газ құбырларының тозуы – 55%;
– жергілікті маңызы бар автомобиль жолдарының 25,5 шақырымы қанағаттанарлықсыз жағдайда.
