Алматы облысының мамандандырылған табиғатты қорғау прокуратурасы Экология департаментімен бірлесіп қатты тұрмыстық қалдықтармен жұмыс істеу саласындағы заңдылыққа талдау жүргізді.
«Қазақстан Ғарыш Сапары» АҚ геопорталы арқылы облыс аумағында 351 апатты қоқыс орындары анықталды. Атап айтқанда Еңбекшіқазақ ауданы – 61, Іле ауданы – 91, Қарасай ауданы – 56, Талғар ауданы – 33, Қонаев қаласы – 85. 247 жабайы қоқыс орны жойылды, 104 қоқыс орны әлі бар.
Алматы облыстық прокуратурасының мәліметінше, жабайы қоқыс жергілікті атқарушы органдар тарапынан бақылаудың жоқтығынан пайда болған.
Соның салдарынан топырақтың, атмосфералық ауаның ластануы, санитарлық жағдайдың нашарлауы мүмкін. Бұған бұқаралық ақпарат құралдары мен әлеуметтік желілерде жарияланған сындар дәлел бола алады.
«Прокуратураның ұсынысы бойынша экология департаменті Іле, Қарасай, Талғар, Еңбекшіқазақ аудандары мен Қонаев қаласының әкімдерінің басшыларын әкімшілік жауапкершілікке тартты. Оларға 100 АЕК-тен 306 300 теңге мөлшерінде айыппұл салынды», – деп атап өтті ведомстводан.
