Мемлекет басшысы Ұлттық құрылтай отырысында өңірлік театрларды дамыту мәселесіне ерекше назар аударып, мәдени нысандардың қолжетімділігі мен сапасын арттыру қажеттігін атап өткен болатын. Осы тапсырма аясында еліміздің бірқатар қалаларында театр инфрақұрылымын жаңарту және жаңа мәдени ошақтар салу жоспарланған.
Соның ішінде Қонаев қаласында жаңа драма театрының құрылысы жоспарланып отыр. Бұл жоба облыс орталығының мәдени өмірін жандандырып, өңір тұрғындары үшін жаңа шығармашылық кеңістік қалыптастыруға мүмкіндік береді. Алдағы жылдары Қонаевпен қатар, Семей және Ақтөбе қалаларында да жаңа драма театрлары бой көтермек.
Аталған бастамалар мәдениет саласының дамуына серпін беріп, аймақтардағы шығармашылық ортаны нығайтуға, сондай-ақ жас өнерпаздар мен кәсіби ұжымдар үшін қолайлы жағдай жасауға бағытталған. Ал Қонаев қаласында бой көтеретін жаңа театр өңірдің мәдени келбетін айшықтайтын маңызды нысандардың біріне айналмақ.
