Табиғат аясында орналасқан Саты ауылы келген қонақтарын баурап алатын сұлу мекен. Таңғажайып пейзаждары, қалыбы бұзылмаған көлдері бар, қазаққа тән қонақжайлылығы қоса жүретін аймақтың мұндай лайықты құрметке ие болуы заңды.
Әлемнің түкпір-түкпірінен келген 260-қа жуық өтінімнің ішінен 54 ауыл таңдалды. ЮНВТО-ң ең үздік 74 ауылының ішінде енді Саты ауылы да бар.
Бұл салтанатты шараға Алматы облысы мен Саты ауылының атынан Алматы облысы әкімінің кеңесшісі Самат Мұхатұлы Ахилбеков қатысты.
Сатының әлем сүйсінетін сұлулығы мен мәдениетін мойындағаны үшін ЮНВТО-ға алғыс білдіреміз. Біз ауылымыздың және тұрғындарын осындай мәртебеге жеткенін мақтан тұтамыз.
ЮНВТО – дүниежүзілік туристік ұйым, ол 158 мүше-елді, 6 аумақты, 500-ден астам еншілес ұйымдарды біріктіретін БҰҰ жүйесінің мамандандырылған үкіметаралық мекемесі.
