«Имплант орнату бойынша жоспарлы операция «Сол жақтағы 3-4 дәрежелі деформациялық коксартроз» диагнозымен бірнеше жыл бақылауда болған 1962 жылы туған науқасқа жасалды. Науқаста ауырсыну синдромы болды және консервативті емдеу әдістері, физиотерапия және жаттығу терапиясы оған айтарлықтай жеңілдік бермеді. Бұған дейін осындай дертке шалдыққан науқастар басқа ауруханаларға жедел емдеуге жіберілетін», – делінген хабарламада.
Баспасөз қызметінің мәліметінше, жамбас буынын протездеу, яғни зақымдалған сүйектер мен шеміршектерді протез бөліктермен ауыстыру операциясы тәжірибелі хирург Арсен Қанатұлы, травматология бөлімінің меңгерушісі Малаев Талғат Аманбекұлы, травматолог Нұрмұқашев Исламбек Арыстанбекұлы, анестезиолог Ғалиева Зухра Тұрсынқызының қатысуымен жасалды. Қазіргі уақытта науқас емнен кейін оңалтудың бірінші кезеңінен өтіп жатыр.
«Буын эндопротезі – тірек-қимыл аппараты аурулары мен жарақаттарды емдеу жолындағы үлкен жетістік. Буындарды қалыпты емдеудің әсері болмағанда оны ауыстыру науқастың емделіп кетуінің бірден бір жолы», – деп жазды баспасөз қызметі.
