«Адам баласы бір тал кессе де, он ойланады. Ал мынау барып тұрған бассыздық. Директорға әкімшілік айыппұл төлету аз. Бұл әрекеті үшін оны қылмыстық жауапкершілікке тарту керек», — деді Текелі қаласының байырғы тұрғыны Николай Костюк.
Мектеп директорының бұған қарсы айтар өз уәжі бар.
«Кінәлімін. Ол ағаштар оқушылардың үстіне құлап кетуі мүмкін еді. Мен бұл жерде мыңнан аса мектеп оқушыларының, ұжымының қауіпсіздігін ойладым. Кесілген ағаштардың орнына алдағы күзде бұдан он есе көп жас талдар егіледі. Кінәлі болсам, заң алдында жауап беруге әзірмін», — деді Жанар Жақыпбекова.
Тұрғындардың айтуынша, мектеп директоры өткен жылы да 30 ағашты кестірген. Сондықтан, ол тек әкімшілік жазамен құтылып кетпей, қылмыстық жауапкершілікке тартылуы тиіс дегенді айтады.
