Таңғы сағат 07:00-де 9 команда Алматы облысы Жамбыл ауданы Қаншеңгел ауылының маңынан жорықты жалғастырып, Іле ауданы Ақши ауылының тұсында кезеңді аяқтады.
Күн қорытындысы бойынша, Астана қаласының шабандоздар командасы мәре сызығын бірінші болып кесіп, төртінші кезеңнің жеңімпазы атанды. Екінші орынды Ұлытау облысының командасы иеленсе, Қырғызстанның бірінші командасы үшінші болып келді.
400 шақырымдық жалпы нәтиже:
| № | Команда атауы | Жалпы уақыт |
|---|---|---|
| 1 | Ұлытау облысы | 25:21:07 |
| 2 | Астана қаласы | 25:48:04 |
| 3 | Маңғыстау облысы | 25:57:02 |
| 4 | Қырғызстан (1-команда) | 26:36:34 |
| 5 | Алматы облысы | 28:07:51 |
| 6 | Қырғызстан (2-команда) | 31:02:57 |
| 7–19 | Басқа командалар | Жарыстан шықты |
Жалпы жарыс бағыты 500 шақырымды құрайды. Марафон Алматы облысының аумағында өтіп жатыр. Жорық 14 мамыр күні Қонаев қаласының «Қарлығаш» шағынауданында мәреге жетеді.
Жеңімпаздар мен жүлдегерлерді марапаттау рәсімі 14 мамыр күні сағат 18:00-де Қонаев қалалық саябағында өтеді.
