«Аудан әкімі Нұрлан Ертас Ынтымақ ауылы мен Ұзынағаштың ортасындағы су ағатын өткелдерді, арықты және көпірлерді аралап шықты. Төтенше жағдайлар бөлімі, аудандық мәслихаттың төрағасы, аудан әкімінің орынбасарлары да аталған мәселе бойынша тиісті жұмыстарды қолға алады», – деп жазды аудан әкімдігінің баспасөз қызметі.
Нұрлан Ертастың айтуынша, су тасқынына қазірден бастап дайындалу қажет. Себебі, қыс түскен соң қимылдау кеш болады.
«Тау бөктерінен ағатын қардың суын ауылға жібермеуіміз қажет. Ауылға бағытталған суды Ұзынағаштың шығыс және ортасындағы өзенге апаратын терең арықты жөндеу қажет. Бұл жұмыс өте маңызды. Тұрғындардың ауласына, баспанасына зиян тимеуін қамтамасыз етеміз», – деді әкім.
