Рақымбеков Рауан Тұрданғазыұлы 1980 жылы туған. Білімі – жоғары. Ол І. Жансүгіров атындағы Жетісу мемлекеттік университетінің «Экология және табиғат пайдалану» (2001 жылы) және «Қаржы» мамандықтары (2008 жылы) бойынша білім алған.
Еңбек жолын 2002 жылы «Қайнар» ААҚ моноблок құю цехінің қоймашысы болып бастаған, кейіннен қайта құю корпусының шебері болып жұмыс істеген.
Әр жылдарда «Талдықорған қалалық тұрғын үй-коммуналдық шаруашылығы басқармасы» мемлекеттік мекемесінде жетекші маман, Талдықорған қаласы әкімінің кеңесшісі, Талдықорған қаласы Өтенай ауылдық округінің әкімі, Текелі қаласы әкімінің орынбасары, Қаратал және Ескелді аудандарының әкімі болып қызмет еткен.
Соңғы қызметі – 2021 жылдың сәуір айынан бастап Қазақстан Республикасы Президенті Әкімшілігінің мемлекеттік инспекторы.
