«Ауданның үлесіне облыстың барлық өнеркәсіп өнімінің үштен бірі тиесілі. Мұнда 358 өнеркәсіптік кәсіпорын жұмыс істейді. Олардың шоғырлануы ауданға облыс бойынша бірінші орынды сенімді ұстауға мүмкіндік береді (2 орын – Іле ауданы: 334 кәсіпорын, 24,4%; 3 орын – Талғар ауданы: 231 кәсіпорын, 16,9%)», – деді Марат Сұлтанғазиев.
Бұдан бөлек, ауданның 358 кәсіпорнының 291-і өңдеу өнеркәсібі.
«Бұл өте жақсы көрсеткіш», – деді облыс әкімі.
2022 жылдың 11 айында барлық кәсіпорындар 26,7% өсіммен 482,3 млрд. теңгеге өнім өндірді.
Өңір басшысының сөзіне сүйенсек, аудандық жолдардың деңгейі жақсы және қанағаттанарлық жағдайда 63%-ға жетті, облыс бойынша ол 90% құрайды. Биыл ауданның жалпы ұзындығы 50,1 км жолын жөндеуге 7,8 млрд. теңге бөлінді.
Саин, Абай және Рысқұлов көшелерін Алматы қаласының шекарасынан Үлкен Алматы айналма автомобиль жолына дейін тесу бойынша құрылыс-монтаж жұмыстары жүргізіліп жатыр. Ол үшін бюджеттен 6,7 млрд. теңге бөлінді. 2023 жылдың соңына қарай 3,7 км жолды жөндеу жоспарланып отыр.
«Аудан халқын қоғамдық көлікпен қамтамасыз ету мәселесі өткір боп тұр», – деді облыс әкімі.
Қарасай ауданының тұрғындарымен кездесу соңында Марат Сұлтанғазиев облыс әкімінің орынбасары Нұржан Құдайбергеновке, энергетика және ТҮКШ, жолаушылар көлігі және автожол басқармалары аудан әкімімен бірлесіп:
- халықты орталықтандырылған сумен және газбен жабдықтаумен қамтамасыз ету мәселелерін ерекше бақылауға алуды;
- көпбалалы отбасыларды және халықтың әлеуметтік осал топтарын тұрғын үймен қамтамасыз ету проблемасын шешу жөнінде шаралар қабылдауды;
- белгіленген мерзімде автомобиль жолдарын, оның ішінде кентішілік жолдарды жөндеуді аяқтау, олардың сапасын қамтамасыз етуді;
- қала маңындағы автобус маршруттарымен қамтамасыз ету мәселесін пысықтауды тапсырды.
