2034 жылғы футболдан Әлем чемпионатының қай елде өтетіні анықталды, деп хабарлайды alataunews.kz.
Халықаралық футбол федерациясының (FIFA) бүгінгі конгресінде айтылғандай, 2034 жылғы мундиаль Сауд Арабиясында өтеді. Турнирдің нақты қай мезгілде ұйымдастырылатыны әзірге белгісіз, бірақ ауа райына байланысты қыс мезгілінде өтуі ықтимал.
2026 жылғы Әлем чемпионаты АҚШ, Мексика және Канадада өтеді.
Ал 2030 жылы жаһандық доданың 100 жылдығына орай турнир алғаш рет бірден алты елде өтпек. Негізгі ұйымдастырушылар Испания, Марокко және Португалия болады. Сонымен қатар, Оңтүстік Америка елдеріндегі тарихи маңызына байланысты алғашқы үш матч Аргентина, Уругвай және Парагвайда өтеді.
