60 келіге дейінгі салмақта шешуші белдесуде Франция өкілі Лука Мхеидземен белдесті. Елдос Васари әдісімен жеңіске жетіп, Қазақстан қоржынына алғашқы алтынды салды.
Естеріңізге сала кетейік, Сметов Олимпиаданы 1/16 финалда голландиялық Торнике Чакадуаны жеңумен бастаған болатын. Қазақстандық 1/8 финалда украиналық Дилшот Халматовтан мықтырақ болып, ширек финалда әлем рейтингінің көшбасшысы, Тайваньдық Ян Юнвэйді сенсациялық түрде ұтты.
Қазақстандық 1/2 финалда 2023 жылғы әлем чемпионы және Еуропа чемпионатының үш дүркін жеңімпазы испаниялық Франсиско Горригосты жеңді.
Айта кетейік, Олимпиаданың алғашқы медалін Қазақстанға Александра Ле мен Ислам Сәтбаев әкелген болатын. Олар аралас командалар арасында пневматикалық винтовкадан ату (10 метр) бойынша қола жүлдегер атанды.
