Үкім 20 мамыр күні Алматыдағы кәмелетке толмағандардың істері жөніндегі мамандандырылған ауданаралық сотында шықты, деп хабарлайды AlatauNews.kz.
Алматы қаласы Наурызбай аудандық прокуратураның мәліметінше, 2016 жылы Алматы облысы соты екі баланың әкесін барлық табыстарының 1/3 бөлігін алимент ретінде төлеуге міндеттеген. Соған қарамастан, борышкер 6 жылбойы балаларына алимент төлемей келген. Қазір оның қарызы 2 жарым миллион теңгеден асқан.
Безбүйрек әкенің такси қызметіндегі күнделікті табысы 10 мың теңге шамасында.
Айта кетсек, заң бойынша түрмеде отырғандар да, науқас жандар да алименттен жалтара алмайды. 2, 3 топтағы мүгедек әкелер де алимент төлеуге міндетті.
