Бір жарым сағаттың ішінде олар Наурызбай ауданының аумағында екі қылмыс жасаған.
«Сағат 15:00 шамасында қаскөйлер мектептен қайтып келе жатқан үш балаға шабуыл жасады. Олар кәмелетке толмағандардың ұялы телефондары мен ақшасын ашық түрде иемденіп алған. Арада бір жарым сағат өткен соң олар 41 жастағы ер адамды тонап кеткен, Бұл жолы жәбірленушінің ұялы телефоны мен құжаттарынн тартып алған», – деді Наурызбай аудандық Полиция басқармасының бастығы Данияр Меңдебаев.
Жедел-іздестіру іс-шаралары барысында күдіктілер сол күні ұсталды. Олардың жасы – 24 пен 34 жас аралығында. Күдіктілер өз кінәсін мойындады. Аталған деректер бойынша қылмыстық іс ҚР ҚК-нің 191-бабы 3-бөлігінің 1-тармағына сәйкес тіркелді. Ұялы телефон, құжаттар айғақты зат ретінде тәркіленді және іс материалдарына тіркелді. Ұсталған адамдардың жеке басын осыған ұқсас басқа да деректерге қатысы бар-жоғы тексеріліп жатыр.
