Төтенше жағдайлар министрлігінің мәліметінше, 27 желтоқсан күні сағат 01:24-те Тараз қаласының кезекші пультіне Сағындықов көшесіндегі 5 қабатты тұрғын үйдің 2-қабатындағы пәтерде өрт шыққандығы туралы хабарлама келіп түскен.
Өрт сөндірушілер дереу өрт орнына жеткен. Сағат 01:49-да өрт толық сөндірілді. ТЖД күшімен 32 адам, оның ішінде 6 бала эвакуацияланды.
Өртті сөндіруге 14 адам және 3 техника құрамында ТЖД күштері мен құралдары жұмылдырылды. 1930 жылы туған әйел күйік жарақатымен ауруханаға жатқызылды (15% 1-2 дәрежелі дене күйігі, орташа ауырлық дәрежесі).
Өрттің алдын ала себебі – отты абайсыз пайдалану.
