Қызылсоқ ауылының тұрғындары «Алматы мегаполисінен небәрі 50 шақырым алшақтықта орналасса да, бұл – ұмыт болған ауыл» деп ашынады. Аймақта проблема жетерлік. Ең басты мәселе – ауыз су. Тіршілік нәрін халық бастаудан не құдықтан алып ішуге мәжбүр.
«10 шақты әкім ауысқан шығар, бірақ ауыз су мәселсі сол қалпы. Барлығы осы жерге келіп, уәдені үйіп – төгіп береді де қояды, сонымен іс бітеді. Жер астындағы суды ішу мүмкін емес. Ол тұзды. Онымен, тіпті, бау-бақшаны да суғаруға болмайды», – дейді ауыл тұрғыны Юрий Попов.
Жергілікті әкімдіктегілер мәселелердің қашан шешілетінін айта алмады. Алдағы уақытта ауыз су құбыры жүргізіледі деп сендірді.
«Қазіргі таңда Майбұлақ су құбырының теңгеріміне өтуге байланысты құжаттар дайындалуда. Осы Қызылсоқ ауылының 30 абонент ауыз су жүйесін үйге кіргізуге өтініш берген. Он үй кіргізген қазіргі таңда», — деді Қарасу ауылдық округінің орынбасары Қуаныш Сырлыбаев.
Қызылсоқ ауылының халқы әр жылды үмітпен өткізеді. Шенділерге айта-айта әбден шаршаған олар, мәселе енді шешілмесе басқаша қадам жасайтындарын айтады.
