«Ер шекіспей, бекіспейді» деп Бекарыс бауырымызбен мәмілеге келдік. Қарапайым адамға да, өнер адамына да ортақ республикамыздың заңымен құзырлы органдардың тексерісінен өтіп, ресми бітімге келдік. Сүрінгенде сүйеу болған, түңілгенде тіреу болған алаш жұртына көп рахмет!», – деді ол.
Әнші сондай-ақ Бекарысты туған күнімен құттықтады.
«Қызық болғанда, бүгін Бекарыс бауырымыздың дүниеге келген күні екен.
Ғұмырың ұзақ, өмірің берекелі болсын інім!
Бір басың екеу болып, адал жар некең болып,
Келінді анаң көріп, тойыңды әкең көріп.
Әке болып ақ әжеңе шөбере әкел беріп.
Сол тойда мен жүрейін бұйырса көкең болып!», – деп тілегін өлеңмен жеткізді Төреғали Төреәлі.
Еске салайық, оқиға 28 қыркүйекте «Көлсай көлдері» ұлттық саябағының аумағында болған. Әлеуметтік желіде Төреғали Төреәліден соққы көрдім деген жігіттің видеосы тарады.
30 қыркүйекте әншінің әрекетіне қатысты ҚР қылмыстық кодекстің 293-бабы (бұзақылық) бойынша іс қозғалып, ол уақытша ұстау изоляторына қамалды.
Содан соң Төреғали Төреәлі 10 млн теңге кепілақы төлеп, бостандыққа шыққан болатын.
