«Бүгінгі таңда маймыл шешегі бойынша 63 елде 9200 жағдай тіркелген. Төтенше жағдай комитеті алдағы аптада оған қарсы шаралардың тиімділігін қарастырады. Әлем елдеріне індетпен күресу шаралары бойынша ұсыныстар береді», – деді ДДСҰ басшысы.
Маймыл шешегі — сирек кездесетін вирустық инфекция. Әдетте бұл жеңіл жүретін ауру және адам бірнеше аптада емделіп кетеді. Алайда кейбір адамдарда асқынулар болуы мүмкін.
Ұлыбританияның Денсаулық сақтау агенттігі маймыл шешегі жыныстық жолмен берілетін инфекция деп санамайды, бірақ оны жұқтырған адаммен физикалық тығыз байланыста болған адамға да берілетіні айтылған. Маймыл шешегінің алғашқы белгілеріне дене қызуы, бас ауруы, бұлшықетттердің ауырсынуы, қалтырау, әлсіздік, арқаның ауыруы, лимфа түйіндерінің ұлғаюы, жатады.
Сондай-ақ, денеде бөртпе пайда болуы мүмкін және көбінесе беттен басталып, дененің басқа бөліктеріне таралады.
