Әлемнің 46 елінен жиналған 71 келі салмақтағы 500 спортшы ішінен Бекнұр оқ бойы оза шапты.
«Үлкен спортқа қадамды Шеңгелдіде жүріп бастадым. Мұнда мен дзюдо спорттық үйірмесіне қатыстым. Дзюдоның самбоға, қазақ күресіне ұқсастығы үш спорт түрінен де түрлі жарыстарға баруыма мүмкіндік берді. Қазіргі таңда мен бұл үшеуінен де Қазақстан чемпионымын, спорт шеберімін. Сондай-ақ қазақ күресінен Азия біріншілігінің жүлдегерімін», – деді спортшы сұхбат барысында.
Ал жаттықтырушысы Мәди Сапин болса Бекнұрдың тынбай 13 жыл шыныққанын айтады.
«Жақында өткен әлем чемпионатында Армения мен Грекияның спортшыларымен күресті. Оларды жеңген соң, финалда Қырғызстан жігітімен кездесті. 10-4 есебімен қарсыласын ойсырата жеңіп, басым түсті. Осылайша, қанжығамыз майланды. Біз мұнымен тоқтамай, алдағы келе жатқан додаларда топ жару үшін жаттыға береміз», – деді жаттықтырушы.
