Синоптиктердің мәліметінше, алдағы күндері Қазақстан аумағы циклондық әсер аясында болады. Соның салдарынан көп өңірлерде тұрақсыз ауа райы орнап, найзағайлы жаңбыр жауып, бұршақ түсіп, екпінді жел соғып, кей аймақтарда шаңды дауыл мен тұман күтіледі.
Ауа райы салыстырмалы түрде тек шығыс өңірде, сондай-ақ 20-21 мамыр күндері оңтүстік пен оңтүстік-шығыста жауын-шашынсыз және тыныш болады деп күтілуде.
Синоптиктер нақтылап өткендей:
-
20 мамыр түнінде Батыс Қазақстан облысында,
-
22 мамыр күні Ақтөбе облысында қатты жаңбыр жаууы ықтимал.
Сонымен қатар, оңтүстік пен оңтүстік-шығыста шаңды дауыл, ал оңтүстік-батыс пен шығыста тұмантүсуі мүмкін.
Ауа температурасы келесідей өзгереді:
-
Батыс пен солтүстік-батыс өңірлерде: +18…+28°С аралығынан +15…+25°С-қа дейін төмендейді;
-
Солтүстікте: +20…+26°С-тен +20…+29°С-қа дейін көтеріледі;
-
Орталық пен шығыста: +20…+28°С-тан +22…+33°С-қа дейін жоғарылайды;
-
Оңтүстікте: +25…+35°С-тен +28…+38°С-қа дейін ыси түседі;
-
Оңтүстік-шығыста: +22…+30°С-тан +30…+38°С-қа дейін көтеріледі.
Синоптиктер ауа райының құбылмалы сипатын ескеріп, тұрғындарды алдын ала хабарламаларды қадағалап, сақтық шараларын сақтауға шақырады.
