Жыл басынан бері Алматы облысында 20 мың нәресте дүниеге келген. Бұл республика бойынша жоғарғы көрсеткіш саналады. Сол себепті Қонаев қаласында перинаталдық орталық салу қажет.
Ал қалалық көпсалалы аурухананың перзентханасында күн сайын 10 бала дүниеге келеді. Егіз босанып жатқан аналар да бар. Оларға білікті акушер мамандар жан жақты көмегін көрсетіп жатыр.
«Облыста 2 ауданаралық аурухана бар. Оның бірі Еңбекшіқазақ ауданында, екіншісі Қарасайда орналасқан. 8 аудандық медициналық мекемеде босану бөлімшесі бар. Бізде туу деңгейі өте жоғары. Мәселен, Қарасай ауданында өткен жылы 8 мыңнан аса сәби дүниеге келді», – дейді облыстық денсаулық сақтау басқарма басшысының орынбасары Лейла Серікбаева 24 хабарға берген сұхбатында.
Айта кету керек, Қарасай ауданында көрсеткіш жоғары болғандықтан перинаталдық орталықты Қаскелең қаласында салу жоспарланып отыр.
