«AMANAT» партиясы Алматы облыстық филиалында жалпы 10 қоғамдық қабылдау бөлмесі жұмыс істеп тұр. Оларға жыл басынан бері 20 мыңға жуық арыз-шағым келіп түсті. Оның ішінде 12 мыңнан аса өтініш оңтайлы шешіліп, 7 397-не заң аясында кеңестер берілді.
Қабылдауларда көтерілген мәселелер және электронды база арқылы тіркелген арыздардың көп бөлігі әлеуметтік көмекке мұқтаждық, тұрғын-үй коммуналдық мәселелер, баспана және жер учаскесін алу, сондай-ақ еңбек құқығын қорғау оның ішінде жұмысқа орналасу, заңсыз жұмыстан шығару және еңбекақы өндіруге сондай-ақ тағы да басқа мәселелерге қатысты.
Жыл басынан бері жалпы 3 мыңнан аса қоғамдық қабылдау өткізіліп, 5 мыңнан аса азаматтың мәселесі қаралды. Оның ішінде ҚР Парламенті Мәжілісінің депутаттары тұрғындарға 27 жеке қоғамдық қабылдау өткізіп, 121 азаматтың ұсыныс-тілегін тыңдады. Мәслихаттағы партия фракциясы депутаттары да 1337 қабылдау жүргізген. Олар 1 799-дан аса тұрғынмен кездесіп, өтініштердің оң шешілуіне атсалысты.
Мұнан бөлек әкімдер, әкім орынбасарлары, жергілікті мемлекеттік органдар, департамент және басқарма басшылары, партияның атқарушы хатшылары, заңгерлер және адвокаттар, медиатор қызметкерлері өңір халқының мәселесін заң аясында қарады. 1 641 қоғамдық қабылдау өтті. Онда 2 533 азамат өз ұсыныстары мен жобаларына қолдау сұрады.