USDӘлеуметтік желіде Volvo мен Mercedes Benz көліктерінің соқтығысқаны туралы ақпарат тарап жатыр. Автор қатты соққыдан екі көліктің де бүктетіліп қалғанын хабарлады.
Сондай-ақ апаттан көз жұмған әйелдің егіз балаға жүкті болғаны айтылған.
Қайғылы оқиға 6 шілдеге қараған түні Іле ауданы аумағында тіркелді. Өңір полициясы көліктер Байсерке – Қараой тасжолының 26-шы шақырымында соқтығысқанын нақтылады.
Алдын ала мәлімет бойынша жол апатына қарсы жолаққа шығып кеткен 32 жастағы Volvo жүргізушісі кінәлі.
«Mercedes Benz салонында болған ер адам мен әйел қаза тапты. Сондай-ақ жарақат алған үш адам, оның ішінде 4 жасар қыз ауруханаға жеткізілді»,- деп хабарлады облыстық полиция департаментінің баспасөз қызметі.
Департамент қызметкерлері бұл факт бойынша қажетті сараптамалар тағайындалып, қылмыстық іс қозғалғанын атап өтті.
