Облыстық дене шынықтыру және спорт басқармасының басшысы Нұрбақыт Теңізбаев: «Дәурен Төлеген — Алматы облыстық бокс федерациясының президенті, Дамир Күзембаев — грек-рим, еркін және әйелдер күресі федерациясының президенті, облыстық дене шынықтыру және спорт мектептері директорлар кеңесінің төрағасы болып Дархан Әшіров бекітілсін. Олимпиадалық спорт түрлерін дамыту – қазақ спортын жандандырып, ел қоржынына жүлделі орындар салып жүргендер үшін ортақ міндет. Қазақ балаларын әлемдік аренаға шығару – қажырлы еңбектің нәтижесі», – деп сөз алды.
Сондай-ақ, жиынға қатысқан Қазақстанның еңбек сіңірген жаттықтырушылары — Жұмахан Тұрғанбеков, Тұрсынғали Еділов, Боранбек Қоңыратов және Елмұрат Қайыпжанов ізгі тілектерін білдірді.
