Баспаналы болуды көптен бері армандап жүрген отбасының бірі – көпбалалы ана Ахит Дәурен. Бес балалы отбасыға мемлекеттік бағдарламамен үш бөлмелі пәтер бұйырыпты. Қазір олардың қуанышында шек жоқ.
«Отбасымызбен осы уақытқа дейін жалдамалы пәтерде жүрдік. Бүгін енді бала-шағамызбен үйлі болып, жайлы болып қуанып жатырмыз. Көп-көп рақмет! Ризамыз!», – деді көпбалалы ана.
Жалпы, Текелі қаласында жыл сайын әкімдікке баспана алу үшін ондаған адам тіркеледі екен. Қазір пәтер кезегінде 1000-нан аса адам тұр. Оларды баспанамен қамтамасыз ету үшін шаһарда жыл сайын бірнеше көпқабатты үй салу жоспарланған.
«Нұрлы жер» бағдарламасының жоспарына сәйкес келесі жылы да үй тұрғызу жоспарланып отыр. Олардың әрқайсысы дәл сондай 40 пәтерлі болмақ, – дейді, жергілікті билік өкілдері.
Айта кетейік, жыл басынан бері Текелі қаласында 80 пәтер пайдалануға берілді.
Мади Сайдильдин
